Azaadiyon K Naam Pey Ruswaaiyaan Mileen,,

Azaadiyon K Naam Pey Ruswaaiyaan Mileen,,
Mushkil Sey Terey Dard Ki Pinhaaiyaan Mileen..

Saaqi Ney Jhoot Bola Hai Fasl-e-Bahaar Mein,,
Gulshan Mein Sirf Aap Ki Angrraiyaan Mileen..

Mujh Ko Miley Hain Qarya-e-Mahtaab Mein Gharrey,,
Tujh Ko Tou Patharon Mein Bhi Ra'Naaiyaan Mileen..

Hum Ney Unhi Ko Soorat-e-Janaan Bana Liya,,
Deewar-e-Aarzoo Pey Jo Parchhaiyaan Mileen..

Unn Par Nisaar Mehfil-e-Hasti Ki Ronaqein,,
Aey Dost! Maikadey Mein Jo Tanhaaiyaan Mileen..

Har Tajurbey Mein 'Saghar' Mai Ka Jawaaz Hai,,
Har Falsafey Mein Zulf Ki Gehraaiyaan Mileen...!!