Nai Tarah Se Nibhane Ki Dil Ne Thaani Hai,

Nai Tarah Se Nibhane Ki Dil Ne Thaani Hai,
Warna tum Se Mohabbat Bahut Puraani Hai,

Khuda Wo Din Na Dikhaye K Main Kisi Se Suno,
K To Ne Bhi Gham-e-Dunya Se Haar Maani Hai.

Zameen Pe Reh K Sitaare Shikaar Karte Hain,
Mizaaj Ehl-e-Mohabbat Ka Aasmaani Hai.

Hamen Azeez Ho Q Kar Na Sham-e-Gham K
Yehi,
Bicharne Waaley Teri Aakhri Nishaani Hai.

Utar Parey Ho Tu Dariya Se Poochna Kaisa,
K Sahilon Se Udhar Kitna Taiz Paani Hai.

Bahut Dinon Main Teri Yaad Orrh Kar Utri,
Ye Sham Kitni Sunehri Hai Kya Suhaani Hai.

Main Kitni Dair Usy Sochta Rahon Mohsin,
K Jaise Us Ka Badan Bhi Koi Kahani Hai.