Tiyar Rehty Hain Meri Palkon Pay Aansoo Aksar,
Teri Yaad Ka Koi Waqt Muqarar Jo Nahi...!!!
Bat To Aam Si Hai Par Itni Aam Bhi Nahi Keh,
Sab Ko Hissa Mill Jata Hai Par Mera Hissa Kho Jata Hai...!!!
Bewafai Ka Dukh Nahi Hai Mujhy,
Bas Kuch Log Aisy Thy Jin Sy Umeedein Bohat Thi...!!!
Khawab Bhi Shayad Kaanch Ki Tarah Kamzor Hoty Hain,
Har Roz Bikhar Jaty Hain Faqat Aik Aankh Khulnay Sy...!!!
Toot Sa Geya Hai Meri Chahton Ka Wajood Mohsin,
Ab Koi Acha Bhi Lagy To Hum Izhar Nahi Karty...!!!
Bharosa Mat Karna Duniya Key Logon Pay,
Mujhy Tabah Karny Wala Bhi Mera Azeez Tha...!!!
Be-khabar Be-wajah Be-rukhi Na Kiya Kar,
Koi bohat Toot Jata Hai Tera Lehja Badalny Sy...!!!
Zakhmon Ka Andaza Chehron Sy nahi Hota Ghalib,
Sahil Pay Khara Kon Kiya Jany Samandar Kitna Gehra Hai...???
Kuch Na Kuch To Hai Is Udasi Ka Sabab,
Maan Bhi Jao Keh Hum Yaad Aaye Hain...!!!
Wafa Karna Bh Seekho Ishq Ki Nagri Main,
Faqat Youn Dil Lagany Sy Dilon Main Ghar Nahi Banty...!!!
