Woh Pichli Barishon Mein Hum

Woh Pichli Barishon Mein Hum,
Barry Na'daan Hotey Thy.
Sabhi Ki Aankh Sy Bach Ker,
Purani Kaapiyon Sy Hum
Warq Kuch Noch Letey Thy.
Hum ik Kashti Banaaty Thy.
Woh Paani Per Chalaatey Thy.
Humain Legta Tha Jesy Hum,
Ussi Kashti Mein Bethy Hain.
Woh Kashti Doob Jati Thi,
To
Hum Bhi Doob Jatey Thy.
Woh Kashti Paar Lagti Thi,
To
Hum Bhi Paar Lagty Thy.
Chalo Guzrey Huye Kal K
Woh Pal phir Dhoond Laatey Hain.
Purani Kaapiyan Ly Kr
Nai Kashti Banaty Hain.
Woh Paani Per Chalaatey Hain.
Chalo Phir Paar Lagtey Hain,
Ya
Phir Doob Jatey Hain..!!