Ujaarr Di Hai Ajab Zalzlon Ne Yeh Basti

Ujaarr Di Hai Ajab Zalzlon Ne Yeh Basti,

Makeen Talash Karoon Ya Makan Talash Karoon..

Ulfaat Ka Jab Kisi Nay Lieya Naam Roo Paray

Ulfaat Ka Jab Kisi Nay Lieya Naam Roo Paray
Apni Wafa Ka Sooch K Anjaam Roo Paray,

Har Shaam Yeh Sawaal Mohabbat Say Kia Mila
Har Shaam Yeh Jawaab K Har Shaam Roo Paray,

Raah-E-Wafa Main Hum Ko Khushi Ki Talaash Thi
Do Gaam Hi Chalay Thay K Har Gaam Roo Paray,

Roona Naseeb Main Hai Tu Auroon Say Kia Gila
Apnay Hi Sar Lieya Koi Ilzaam Roo Paray...

Utar Chuki Hai Meri Rooh Mein Kisi Ki Nigah

Utar Chuki Hai Meri Rooh Mein Kisi Ki Nigah,

Tarap Rahi Hai Meri Zindagi Kisi Ke Liye....

Ussi Aik Pal Ki Talash Hai Jissey Log Kehtey Hain Zindagi

Ussi Aik Pal ki Talash Hai, Jissey Log Kehtey Hain Zindagi,

Teri Reh Guzer Main Guzer Gai Meri Umer Bhar Ki Musaftain.

Usey Yeh Kon Samjhaye

Usey yeh kon samjhaye????
Wo dasht-e-khamoshi mein,

Ungliyon mein sipiyan pehne
Kisi sookhe samander ki,

Adhoori pyas ki batein
Bohat chup chap sunta hai,

Bohat khamosh rehta hai
Usey yeh kon samjhaye????

Khushi k aik aansoo se
Samander bhar bhi jate hain,

Bohat khamosh rehne se
Ta'luq mar bhi jate hain...!!!

Uljha Rahi Hai Mujh Ko Yehi Kash-Ma-Kash

Uljha Rahi Hai Mujh Ko Yehi Kash-Ma-Kash..

Ke Tu Aa Basa Hai Mujh Main Ya Main Kho Gayi Hoon Tujh Main..

Romantic Love Urdu Shayari Uska Hans Ke Nazrein Jhuka Lena

Uska Hans Ke Nazrain Jhuka Lena,

Saari Shartain Qabul Hon Jese...!!!