Aarzoo Hasrat Khahish Tamanna Shayari, SMS With Imges

Ab dil ki khalwaton mein tum aa kar karogy kiya

Hum aarzo ki shamain kab ki bujha chuky hain...!!!

Aik khahish hai jhalak mil jaye us chahry ki

Ky is deedar ky baad koi tamana na rahy...!!!

Aik khahish hai poori ho jaye har khahish is dil ki

Ky phir khuda sy koi iltaja na rahy...!!!

Bari ajeeb hai naadan dil ki khahish ya rab

Amal kuch nahi aur dil talabgar hai jannat ka...!!!

Ham bhatakty rahy hain rahon mein

Raat din kat rahy they aanhon mein

Ab tamana howi hai mery jeeny ki

Baat kuch to hai teri nigaahon mein...!!!

Meri khahish hai ky meri shayari ko tum samjho

Ye aarzo nahi ky log waah waah karein...!!!

Mujhy ye dar hai teri aarzoo na mit jaye

Buhat din sy tabiyat udaas nahi...!!!

Na ji bhar ky dekha na kuch baat ki

Bari aarzo thi mulaqat ki...!!!

Suno ky ab ham gulaab deingy gulaab leingy

Muhabbaton mein ab koi khasara nahi chaly ga...!!!

Sad Urdu Shayari Ghazal Ham Nafas Ik Teri Aarzoo Aur Main

Ham nafas.. ik teri aarzu aur main,

Koi rishta, shanasaai, kuch bhi nahin

Aaina hai mere rubaru aur main,

Jugnuon ki talab ka sila yeh mila

Teergi hai mere chaar su.. aur main,

Khwaab ki titliyan jab ureen aankh say

Reh gai khwahish-e-rang-o-bu.. aur main,

Raat bhar jaagtay hain sitaron talay

Tera lehja.. teri guftagu.. aur main,

Aankh main khwaab ki kirchiyan reh gayeen

Hath main qismaton ka lahu.. aur main,

Sochti hoon, kahan jaoon, kis say kahoon

Shehr dushman.. Faza bhi adu.. aur main,

Ik mere ishq ki tishnagi.. aur tu

Ik tere hijr ki aabju.. aur main,

Daaman-e-umr main sar chupa kar, bohat

Ro diye hain.. teri aarzu.. aur main,

Raig-e-sehra huwe hain tere ishq main

Mere aihsaas ki aabru.. aur main,

Mere saahir.. bichartay samay reh gayeen

Teri aankhain mere chaar su.. aur main,

Kaash aisa ho.. saahil kanaaray kabhi

Aur koi na ho.. sirf tu.. aur main,

Aks-e-janan kii khair ho rabba

Khawab aankhon samait toota hay...!!!