Wo Banjar Khait K Hissay Ka Paani Baich deta Hy,

Wo Banjar Khait K Hissay Ka Paani Baich deta Hy, 
Kabhi darya Kabhi Uski Rawaani Baich deta Hy. 

Kisi Bhi Mantaqi Anjaam tk jany Naheen deta, 
Kisi Kirdaar sy Mil Kar Kahaani Baich deta Hy. 

Kisi Taaza Muhabbat Ki Khredaari Ki Khaatir wo, 
Kisi Pichhli Muhabbat Ki Nishaani Baich deta Hy. 

Koi Tehreer Bhi Paband Kar Sakti Naheen Us Ko, 
Wo Dastaweez Ko Bhi Munh-Zubani Baich deta Hy. 

Ussay Tabdeel Honay Mein Zara sa Waqt Lagta Hy, 
Nai Poshaak Miltay Hi Puraani Baich deta Hy...!!