Main tere wasl ki sorat sy ashna nahi hon:

Main tere wasl ki sorat sy ashna nahi hon: 
Kya aik arsa hoa khwaab dakhta nahi hon: 

Tou manzilon ky liye mere sath chal para hai: 
magar main aik masafir hon rasta nahi hon: 

Bass aik khami hai jis ky sabab akela hon: 
Jo ja raha ho kabi us ko rokta nahi hon: 

Tera khyal phiraata hai dasht dasht muje: 
Tera pata main kisi sy bhi pochta nahi hon: 

Yonhi ye aks tera mujh main aa gaya Qaisar: 
Tou mujh ko dakh ly choo kar main aiyna nahi hon.