Kaha Nazron Se Nazron Ne Hamen Tum Se Mohbbat Hai

Kaha Nazron Se Nazron Ne Hamen Tum Se Mohbbat Hai 
Labon Se Hum Kahen Kaise Hamen Tum Se Mohabbat Hai? 

Zameen k Phool Saare Aasman k Dil Mein Khil Utthe 
Zameen Ne Jab Kaha Hans K Hamen Tum Se Mohabbat Hai 

Kabhi Aisa Bhi Hota Aap k Pehloo Mein Hum Hote 
Sada Uthti khamoshi Se Hamen Tum Se Mohabbat Hai 

Ye Q Ghere Hain Furqat k Andhere Chaar Su, Jab k 
Mohabbat hai Tumhen Hum Se, Hamen Tum Se Mohabbat hai 

Suno Janan Zamane ki Riwayat Bhool kar is Pal 
Karen Iqraar Hum Khul k Hamen Tum Se Mohabbat hai 

Shab, Falak Par Chaand, Taarey Aur Ye Jugnoo 
Sabhi Hain Baa-Khabar Is Se Hamen Tum Se Mohabbat Hai