Bus Yahi Huwa Un Se Dil Lagaane Se,

Bus Yahi Huwa Un Se Dil Lagaane Se, 
Ranjishen Barha Li Hain Hum Ne Khud Zamaane Se, 
Jab Mili Hum Aazadi Qaid-Khaane Se, 
Goonjne Lagay Har Soo Senkrron Taraane Se, 

Us Ka Haath Hai Shaamil Jab Meri Tabaahi Mein, 
Kiyon Bhala Ho Mujh Ko Shikayat Phir Zamaane Se ? 
Kis Tarah Bhulaaon Main Daastan Maazi Ki, 
Zindagi Mein Mausam Thay Bus Wohi Suhaane Se, 

Itebaar Kar Us Ki Saada-Lohi Ka, 
Warna Toot Jaaye Ga Itna Aazmaane Se,