Sudh Budh Apni Kho Betha Hon

 

Sudh Budh Apni Kho Betha Hon 
Janey Kis Ka Ho Betha Hon 
Ghairon Se Ab Kiya Hai Darna 
Sab Apno Ko Ro Betha Hon 

Mein To Nahi Hon Thakne Wala 
Saath Ho Tum Jab, To Betha Hon 
Tum Ko Kiya Duniya Ki Fikrein 
Mein Hon Na, Mein Jo Betha Hon 

Mera Tum Se Ab Kiya Jhagrra 
Chorro, Janey Do, Betha Hon 
Jo Thay Saathi Chale Gaye Hain 
Mein Bhi Janey Ko Betha Hon 

Har Jaanib Nafrat Ki Faslein 
Janey Mein Kiya Ho Betha Hon 
Jatey Jatey Tum Ne Kaha Tha 
Tum Aao Gay, So Betha Hon