Kaise Samjhe Ga Sadaf Ka Wo Gohar Se Rishtaa

Kaise Samjhe Ga Sadaf Ka Wo Gohar Se Rishtaa 
Jo Samajh Paaye Na Aankhon ka Nazar Se Rishtaa 

Mo'tabar Sar Hi Bana Lo, To Bahut Acha Hai 
Kam Hi Reh Paata Hai Dastaar Ka Sar Se Rishtaa 

Hai Ghareebon ka Ameeron Se Taalluq Itna 
Jitna Hota Hai, Charaaghon ka Sahar Se Rishtaa 

Be-Asar Jab Hain Zabaanen, To Kiya Kya Jaaye 
Warna Rakhti Hain Duaaen Bhi Asar Se Rishtaa 

Dil ka Rishta Bhi, Agar Socho, To Kya Rishta Hai 
Nibah Raha Hai Isi Rishte K Asar Se, Rishtaa 

Justuju Is Ki Khuda Jaane, Hai Kis Manzil Tak 
Khatam Hota Nahi Akhtar ka Safar Se Rishtaa