Wo Azam Ho K Manzil-e-Baidaar Hans Parray

Wo Azam Ho K Manzil-e-Baidaar Hans Parray 
Har Naqsh-e-Paa Pe Jurat-e-Rahwaar Hans Parray 

Ab K Baras Bahaar Ki Soorat Badal Gayi 
Zakhmoon Main Aag Lag Gayi Gulzaar Hans Parray 

Us Dastaan-e-Dard Ki Tuhmeed Aap Hain 
Jis Dastaan-e-Dard Par Ghum-Khuwaar Hans Parray 

Hairaan Ho Rahi Hai Shagofay Pe Chaandni 
Shaayad Qafas Pe Aaj Giraftaar Hans Parray 

Laut Jaaye Teray Naam Se Har Talkhi-e-Jafa 
Wo Kaam Kar K Har Bekas-e-Nadaar Hans Parray 

Meray Junnon Ne Aaj Wo Sajdaa Adaa Kiya 
Butt Khaana-e-Hayaat K Aasaar Hans Parray 

Phir Shadmaan Huwe Hain Kharabe Hayat K 
Saghar Kisi K Gayso-e-Khamdaar Hans Parray